İspaniya millisinin düşərgəsindən bəd xəbərlər gəlməkdə davam edir. Rodri və Lamine Yamal'dan sonra daha bir futbolçu zədə səbəbindən milli düşərgəsində iştirak edə bilməyəcək.
Real Madrid klubunun mərkəz müdafiəçisi Dean Huijsen zədə səbəbindən İspaniya millisinə kömək edə bilməyəcək. 20 yaşlı futbolçunun sol ayağının soleus əzələsində zədə aşkarlanıb. Onun 2 həftəlik sıradan çıxdığı deyilir. Dean Huijsen'in yerinə milliyə Aymeric Laporte çağırılıb.
İspaniya millisi DÇ-2026 seçmə mərhələsində 11 oktyabr tarixində Gürcüstan, 14 oktyabr tarixində isə Bolqarıstan millisini qəbul edəcək.
