Ötən gecə UEFA Çempionlar Liqasının liqa mərhələsinə start verilib. Qitənin ən nüfuzlu klub turnirinin ilk turunun ilk günündə təmsilçimiz Qarabağ da öz oyununu keçirənlərdən idi.
Oyunun ilk 20 dəqiqəsində 2 qol buraxmağımıza baxmayaraq ilk hissənin bitiminə 15 dəqiqə qalmış, hesab arasındakı fərqi azaltmağı bacardıq. Leandro Andrade Qarabağ klubunun UEFA Çempionlar Liqası 2025/26 sezonundakı ilk qolunun müəllifi oldu.
İkinci hissəyə də klubumuz istəkli başladı. Bunun bəhrəsini biz 48-ci dəqiqədə hesabı bərabərləşdirərək gördük. Oyunda son sözü yenə təmsilçimiz dedi. Meydana sonradan daxil olan Oleksey Kashchuk Abdellah Zoubir'in pasını qola çevirib; 3-2.
Bu qələbə sayəsində Qarabağ klubu tarixində ilk UCL qələbəsinə sevinib. Bu qələbə ölkəmizə əlavə 500 xal gətirib. Qazanılan bu 500 xal sayəsində Azərbaycan UEFA sıralamasında Slova iyanı dəf edərək, 25-ci pilləyə yüksəlib. Azərbaycanın aktivinə 21.500, Slovakiyanın isə 21.375 ölkə xalı var. Maddi baxımdan isə Qarabağ kassasına 2.1M€ əlavə edib.
UEFA Çempionlar Liqasında növbəti matç København ilə olacaq. Matç 1 oktyabr saat 20:45'də start götürəcək və CBC Sport telekanalından canlı yayımlanacaq. Məkan Tofiq Bəhramov adına Respublika stadionudur.
